Ukraynalı deputat Aleksey Qonçarenko Andrey Yermakın ölkədən çıxışına qadağa qoyulduğunu iddia edir. Qonçarenko sosial şəbəkədə yazır ki, Ukrayna sərhəd-keçid məntəqələrinə Andrey Yermakın Ukraynanı tərk etməyə qadağa qoyulması barədə məktub daxil olub.

Ukrayna prezidenti Volodimir Zelenski noyabrın 28-də prezident administrasiyasının rəhbəri Andrey Yermakın istefa verdiyini bəyan edib. Zelenski daha sonra Yermakın vəzifədən azad edilməsi barədə sərəncam imzalayıb.

Verxovna Radanın deputatı Yaroslav Jelezniak bildirib ki, Ukraynanın Milli Korrupsiyaya Qarşı Mübarizə Bürosu (NABU) və ixtisaslaşmış Korrupsiyaya Qarşı Mübarizə Prokurorluğu (SAPO) Ukraynanın enerji sektorunda baş qaldıran korrupsiya skandalı ilə bağlı Yermakın evində axtarış aparırdı.