Finlandiya Prezidenti Aleksandr Stubb iranlı həmkarı Məsud Fezeşkianla telefonla danışdığını bildirir. Onun sözlərinə görə, liderlər İran və Yaxın Şərqdəki mövcud vəziyyəti, həmçinin münaqişənin sülh yolu ilə həllini müzakirə ediblər.

Stubb həmçinin qeyd edir ki, fikir ayrılıqlarına baxmayaraq, Tehranla dialoq vacibdir.

“İran prezidenti Məsud Fezeşkianla telefon danışığım oldu. İran və Yaxın Şərqdəki mövcud vəziyyəti müzakirə etdik. Təcili olaraq atəşkəs və diplomatik həll lazımdır. Qonşu ölkələrə hücumların dayandırılmasının və Hörmüz boğazında gəmilərin hərəkət azadlığının bərpasının vacibliyini vurğuladım. Fikir ayrılıqlarına baxmayaraq, dialoqun davam etdirilməsi vacibdir”, – Finlandiya prezidenti sosial şəbəkədə yazır.