Ticarət, münaqişə, iqlim və ya texnologiya məsələləri yalnız oxşar baxışlara malik ölkələrlə həll edilə bilməz, – bu barədə Finlandiya Prezidenti Aleksandr Stubb bildirib.

Finlandiya Prezidentinin söylədiyinə görə, Avropanın müasir dünyada yeni yanaşması olmalıdır.

“Sövdələşmələrə və maraq dairələrinə əsaslanan, əməliyyat xarakterli çoxqütblü bir dünyanı dəstəkləyənlər də var. Biz beynəlxalq institutların, qaydaların, normativlərin və əməkdaşlıq ideyasının tərəfdarıyıq. Demoqrafik və iqtisadi səbəblərə görə qlobal Cənub növbəti dünya nizamını müəyyən edəcək. Dəyər əsaslı təklif necə yaradılır? Mən deməyə çalışırdım ki, bizim xarici siyasətimiz dəyərlərə əsaslanan realizm üzərində qurulub. Buna görə də biz insan haqları, fundamental hüquqlar, demokratiya, azadlıq, qanunun aliliyi kimi dəyərlərimizə sadiq qalmalıyıq, lakin realist olmalıyıq. Ticarət, münaqişə, iqlim və ya texnologiya məsələləri yalnız oxşar baxışlara malik ölkələrlə həll edilə bilməz”, – Aleksandr Stub bildirib.