“Axios” – Donald Tramp martın 3-də Ukrayna ilə bağlı görüş təşkil edəcək, burada o amerikan hərbi yardımının mümkün dayandırılması məsələsini müzakirə edəcək

ABŞ prezidenti Donald Tramp martın 3-də Ukrayna ilə bağlı görüş təşkil edəcək. Bu barədə “Axios”a anonim mənbə bildirib.

Bu görüşdə Tramp Ukrayna ilə bağlı addımları və amerikan hərbi yardımının mümkün dayandırılması məsələsini müzakirə edəcək.

Mənbənin məlumatına görə, görüşdə prezidentlə birlikdə vitse-prezident Cey Di Vens, dövlət katibi Marko Rubio, müdafiə naziri Pit Heqset, prezidentin müşaviri Mayk Uolts və digər yüksək vəzifəli şəxslər iştirak edəcək.