ABŞ Ukraynaya 700 milyon dollardan çox yardım ayırıb

ABŞ Ukraynaya 700 milyon dollardan çox yardım ayırıb. Bu barədə ABŞ dövlət katibi Entoni Blinken Kiyevə səfəri zamanı bildirib.

Blinken qeyd edib ki, Rusiya hələ də soyuqdan Ukrayna xalqına qarşı silah kimi istifadə etmək üçün Ukrayna enerjisinə hücum etməyə çalışır.

“Məhz buna görə də biz Ukraynanın enerji və elektrik şəbəkələrinin bərpası üçün 325 milyon dollar maliyyə yardımı elan edirik”, – deyə Blinken deyib. Bundan başqa, ABŞ evlərini tərk etmək məcburiyyətində qalan insanlar üçün Ukraynaya 290 milyon dollar humanitar yardım da ayırıb; Həmçinin, içməli su, yemək və dərmanlar üçün.

Blinkenin dediyinə görə, minalardan təmizləmə əməliyyatı üçün 102 milyon dollar ayrılıb ki, Ukrayna öz ərazilərini ruslardan qalan mina və döyüş sursatından təmizləyə bilsin.