ABŞ səfirliyi - Amerika biznes nümayəndələrinin səfəri ABŞ ilə Gürcüstan arasındakı əməkdaşlığı gücləndirir, iqtisadi tərəfdaşlığın dərinləşdirilməsinə və regional əlaqələrin möhkəmləndirilməsinə dair ABŞ-ın sadiqliyini vurğulayır
Amerika biznes nümayəndələrinin səfəri ABŞ ilə Gürcüstan arasında kritik infrastruktur, rəqəmsal ticarət, yeni texnologiyalar, nəqliyyat və logistika sahələrində əməkdaşlığı gücləndirir, – bu barədə ABŞ səfirliyi sosial şəbəkədə məlumat yayır.
ABŞ səfirliyinin məlumatında deyilib ki, Amerika biznes nümayəndələrinin səfəri ABŞ-ın iqtisadi tərəfdaşlığın dərinləşdirilməsinə və regional əlaqələrin möhkəmləndirilməsinə sadiqliyini vurğulayır.
“Cari həftə ABŞ-ın səfirinin vəzifəsini icra edən Alan Pursel amerikalı biznes rəhbərlərinin nümayəndə heyətinə və Azərbaycanın biznes və hökumət dairələrinin nümayəndələrinə ev sahibliyi edib. Nümayəndə heyəti Orta Dəhliz regionunda ticarət, energetika, infrastruktur və logistika sahələrində mövcud imkanlarla tanış olmaq üçün Gürcüstan, Qazaxıstan və Azərbaycana səfər edib. Səfər ABŞ Ticarət Departamenti, ABŞ-Gürcüstan Biznes Şurası (AGBC), ABŞ-Azərbaycan Ticarət Palatası (USACC) və Qazaxıstandakı Amerika Ticarət Palatası arasında əməkdaşlıqla həyata keçirilib. İqtisadiyyat naziri Mariam Kvrişvili nümayəndə heyətini naharda qəbul edib və qəbul mərasimində iştirak edib.
