ABŞ Ordusunun Strateji Komandanlığının rəhbəri- nüvə silahı ilə təchiz olunmuş rəqiblə münaqişə mümkündür

Nüvə silahı ilə təchiz olunmuş rəqiblə münaqişə mümkündür-bu barədə ABŞ Ordusunun Strateji Komandanlığının rəhbəri Çarlz Riçard “Amerika hücum altında – Vətəni Müdafiə Etmək” mövzusunda keçirilən panel müzakirəsində bildirib.

“Hamımız bu otağa böhran dövründə rəqabəti və nüvə silahı olan rəqiblə mümkün birbaşa silahlı münaqişəni müzakirə etməyə qayıtdıq. 30 ildən artıqdır ki, bunu etməyə ehtiyac görməmişik. Bunun nəticələri dərindir. Onlar strateji çəkindirmə, eləcə də milli məqsədlərimizə çatmaq üçün vacibdir. Və bu artıq nəzəri deyil” – deyə yüksək rütbəli amerikalı hərbçi açıqlayıb.

Admiral Çarlz Riçard bildirib ki, Müdafiə Departamentinin bütün plan və imkanı strateji çəkindirmənin, xüsusən də nüvənin qarşısının alınmasının mövcud olduğu ehtimalına əsaslanır.

“Rusiya və Çin dünyanın hər yerində istənilən güc aləti ilə istənilən sahədə gərginliyi artıra bilərlər. Uzun müddətdir ki, oxşar rəqiblərə rast gəlməmişdik. Bu səbəbdən departament müharibəyə yanaşmasını dəyişməli olacaq. Gərginliyin yavaş, ənənəvi yanaşmaları artıq işləmir. Vətənin müdafiəsi üçün döyüşən rəhbərlər bütün sahələrdə: quruda, dənizdə, havada, kosmosda və kiberməkanda düşmənə qarşı cəld hərəkət etməli olacaqlar”-deyə ABŞ Ordusunun Strateji Komandanlığının rəhbəri bildirib.