ABŞ-da “Şahlar olmadan” adlı etiraz aksiyaları planlaşdırılıb. Bu aksiyalarla əlaqədar,respublikaçı qubernatorlar ölkə miqyasında bir neçə ştatda Milli Qvardiyanın səfərbər olunması barədə göstəriş veriblər. Bu barədə məlumatı “BBC” yayır.

Aksiya təşkilatçıları bildirirlər ki, nümayişlər ABŞ miqyasında 2 500-dən çox məkanda keçiriləcək. Onların sözlərinə görə, iyun ayında keçirilən “Şahlar olmadan” adlı son etiraz aksiyasında beş milyondan çox insan iştirak edib.

Nümayiş təşkilatçıları bildirirlər ki, etiraz aksiyası Donald Trampın “avtoritarizminə” qarşı çıxacaq.

Medianın məlumatına görə, Tramp tərəfdarları nümayişçiləri “Antifa” hərəkatı ilə əlaqələndirirlər.

Texas qubernatoru Qreq Ebbot Ostində ştatın Milli Qvardiyasını aktivləşdirib. Botun dediyinə görə, əsgərlər “Antifa ilə əlaqəli etiraz aksiyası” səbəbilə lazım olacaq. Eyni zamanda, Virciniya ştatının qubernatoru Qlen Yankan ştatın Milli Qvardiyasının aktivləşdirilməsi barədə göstəriş verib.

ABŞ prezidenti Donald Tramp “Fox Business” verdiyi müsahibədə planlaşdırılan aksiyalar barədə danışıb və qeyd edib ki, o, şah deyil.

“Onlar mənə şah deyirlər, mən şah deyiləm”– Tramp bildirib.