İranın xarici işlər naziri Abbas Əraqçinin bildirdiyinə görə, İran və ABŞ arasında nüvə danışıqları yaxşı keçib və gələcəkdə də davam edəcək.

“Düşünürəm ki, bu, yaxşı başlanğıcolub. İndi biz paytaxtlarımıza qayıtmalı, məsələni rəhbərliklə müzakirə etməli və bu danışıqlar zamanı baş verənləri onlarla müzakirə etməliyik”, – deyə Əraqçi bildirib.

Danışıqlar dolayı şəkildə keçirilib və Omanın paytaxtı Maskatda, Oman vasitəsilə təşkil olunub. Əraqçi danışıqların təşkilinə görə Oman sultanına və ölkənin xarici işlər nazirinə təşəkkür edib.

“Biz mövqelərimizi bir-birimizə çatdıra bildik və nüvə məsələsi ilə bağlı mümkün razılaşma ilə bağlı narahatlıqlarımızı və maraqlarımızı ifadə edə bildik”, – İran xarici işlər naziri qeyd edib.