Abbas Əraqçi - ABŞ-ın İranın nüvə obyektlərinə hücumlarının vurduğu ziyan geniş və ciddidir

10:28, 27.06.2025

İranın xarici işlər naziri Abbas Əraqçi bildirib ki, ABŞ-ın İranın nüvə obyektlərinə hücumu “geniş və ciddi” ziyana səbəb olub.

“Deməliyəm ki, ziyan böyük və ciddidir, lakin Beynəlxalq Atom Enerjisi Agentliyinin müfəttişlərinin gəlib-gəlməməsi və tam şəkildə məlumatlandırılıb-məlumatlandırılmaması məsələsi Parlamentin qanunlarına uyğun olaraq həll olunmalıdır”, – deyə Əraqçi İran mediasına müsahibəsində qeyd edib.

İranın xarici işlər nazirinin izahına görə, bu qanunun necə icra olunacağına – yəni Beynəlxalq Atom Enerjisi Agentliyinin müfəttişlərinin nüvə obyektlərinə buraxılıb-buraxılmayacağına, İranın Ali Milli Təhlükəsizlik Şurası qərar verməlidir.

Müəllif - Nino Pashayeva

Dünya