30 ildən sonra ilk dəfə Ermənistanın baş nazirinin təyyarəsi Azərbaycan hava məkanından istifadə etdi.

“Xarici səfər çərçivəsində 30 avqustda Nikol Paşinyanın təyyarəsi Azərbaycan hava məkanından istifadə edib və sentyabrın 6-da gecə saatlarında yenidən Azərbaycan hava məkanından keçməklə geri dönüb,” – Ermənistanın Baş nazirinin mətbuat katibi Nazeli Bağdasaryan bildirib.

Nikol Paşinyan və İlham Əliyev Vaşinqtonda sülh bəyannaməsini imzaladıqdan sonra, İrəvan Bakıya Nikol Paşinyanın təyyarəsinin Azərbaycan hava məkanından istifadə etməsi üçün icazə müraciəti edib və müsbət cavab alıb.

“Biz bu faktı regionda kommunikasiyaların açılması, sülh gündəliyinin təşviqi və qarşılıqlı etimad mühitinin yaradılması istiqamətində əməli addım kimi qiymətləndiririk,” – deyə Bağdasaryan qeyd edib.