27-31 dekabr tarixlərində Gürcüstanda arabir yağıntı gözlənilir, əsasən qar şəklində, – bu barədə Milli Ətraf Agentliyi məlumat yayır.

Sinoptiklərin proqnozuna görə, 29-30 dekabr tarixlərində isə dənizdə 4-6 bal gücündə fırtına olacağı gözlənilir.

“27-31 dekabr tarixlərində Gürcüstanda soyuq və rütubətli hava kütlələrinin yayılması, arabir yağıntılı olacağı, bəzi yerlərdə intensiv və əsasən qar şəklində olacağı gözlənilir. Küləyin güclənməsi gözlənilir, dağlıq bölgələrdə isə duman, qar fırtınası, yolların buz bağlaması gözlənilir.

29-30 dekabr tarixlərində sahilyanı bölgələrdə şimşək çaxacağı, dənizdə 4-6 bal gücündə fırtına gözlənilir, yüksək dağlıq bölgələrdə qar uçqunu təhlükəsi gözlənilir”, – deyə agentliyin məlumatında qeyd edilib.

Agentliyin məlumatına görə, güclü qar yağması, görünürlüğün pisləşməsi, qar fırtınası, yolun buz bağlaması və avtomobil yollarının ayrı-ayrı hissələrində qar uçqunu təhlükəsi səbəbindən nəqliyyatın hərəkəti məhdudlaşdırıla bilər.

“Gözlənilən yağıntılar Qərbi Gürcüstan çaylarında suyun səviyyəsinin əhəmiyyətli dərəcədə artmasına səbəb ola bilər (təhlükə səviyyəsi orta”, – agentliyin məlumatında deyilib.