Litva Xarici İşlər Nazirliyi Zurab Caparidzenin həbs olunmasına görə narahatlığını ifadə edir və onunla həmrəy olduğunu bildirir. Bu barədə agentliyin sosial şəbəkədə dərc etdiyi bəyanatda deyilib.

“Biz “Qirçi – Daha Azadlıq” müxalifət partiyasının lideri Zurab Caparidzenin həbs olunmasına görə dərin narahatlıq ifadə edirik. Demokratik geriləmə, vətəndaş cəmiyyətinə qarşı repressiv hərəkətlər, o cümlədən əsassız həbslər heç bir yerə aparmayan bir yoldur. Zurab Caparidze ilə həmrəyik! “, – deyə Litvanın Xarici İşlər Nazirliyinin bəyanatında deyilib.

Məlumat üçün bildirək ki, mayın 22-də “Dəyişikliklər Naminə Koalisiyası”nın liderlərindən biri Zurab Qirçi Caparidze barəsində təyin edilmiş girov həbs qətimkan tədbiri ilə əvəz olundu. Müvəqqəti İstintaq Komissiyasının müraciəti əsasında Prokurorluq Caparidzeyə qarşı Cinayət Məcəlləsinin 349-cu maddəsi ilə ittiham irəli sürüb ki, bu da “Gürcüstan Parlamentinin Müvəqqəti İstintaq Komissiyasının tələbinin yerinə yetirilməməsi” deməkdir və cərimə və ya bir ilədək azadlıqdan məhrum etmə, vəzifə tutmaq və ya fəaliyyət hüququndan üç ilədək məhrum etmə ilə cəzalandırılır.