Ես ակնկալում եմ ցանկացած սցենարի զարգացում, – ասաց «Գիրչին՝ ավելի շատ ազատության համար» առաջնորդ Զուրաբ Գիրչի Ջափարիձեն՝ նախքան Եվրոպական խորհրդի նախագահի անձնական ներկայացուցիչ Քրիստիան Դանիելսոնի հետ հանդիպելը:

Ինչպես նշել է Զուրաբ Ջափարիձեն, հանդիպմանը կմասնակցեն նաեւ «Վրացական երազանքի» ներկայացուցիչները:

«Այն փաստը, որ բանակցողները որոշեցին նստել բանակցությունների սեղանի շուրջ՝ ընդդիմությունը ու «Վրացական երազանքը», կարող է նշանակել, որ նրանք կարողացան մերձեցնել իրենց դիրքերը: Սա կարող է լավատեսության հիմք հանդիսանալ: Միգուցե այսօրվա հանդիպումը լինի երկխոսություն և դիրքորոշումները մերձեցնելու փորձ: Ես հստակ չգիտեմ: Կողմերից ոչ մեկը լիարժեք տեղեկատվություն չունի Բրյուսելում տեղի ունեցած հանդիպման մանրամասների մասին: Միայն բանակցողները լիարժեք տեղեկատվություն ունեն: Դժվարանում եմ մեկնաբանել, թե ինչպիսի և ինչ ձևաչափով տեղի կունենա հանդիպումը: Ես գիտեմ, որ «Վրացական երազանքի» ներկայացուցիչները ներկա կլինեն հանդիպմանը», – ասաց Զուրաբ Ջափարիձեն: