«Գիրչի հանուն ավելի ազատության» առաջնորդ, Զուրաբ Ջափարիձեն, որը մի քանի ժամ առաջ Աղմաշենեբելիի պողոտայում բար էր բացել, ապօրինի տնտեսական գործունեություն ծավալելու համար տուգանվել է 2000 լարիով:

Դեպքի վայրում են գտնվում իրավապահ մարմինների և աշխատանքի տեսչության վարչության ներկայացուցիչներ:

«Աղմաշենեբելիի N45-ում բացահայտվեց և հաստատվեց չարտոնված տնտեսական գործունեության իրականացումը, կազմակերպիչը ֆիզիկական անձ էր և կիրառվեց համապատասխան պատժամիջոց, որը նախատեսված է վարչական իրավախախտումների օրենսգրքով: Ֆիզիկական անձը տուգանվել է 2000 լարիով: Հանցանքը կրկնելու դեպքում նշված անձը կենթարկվի քրեական պատասխանատվության, ինչպես նաև օբյեկտը կնիքավորվելու է»,- հայտարարել է աշխատանքի անվտանգության տեսչության ծառայության ներկայացուցիչ, Մայա Միքաիան:

Բացի այդ, դեպքի վայր է ժամանել մունիցիպալ տեսչությունը, որն արձագանքում է աղմուկին:

Ինքը, Զուրաբ Ջափարիձեն հայտարարում է, որ չի պատրաստվում վճարել տուգանքը: Ջափարիձեի խոսքով, ինքը պաշտպանում է պատգամավորի մանդատը, որը նա օգտագործում է, նա վաղը նույնպես պատրաստվում է բացել բարը, նույնիսկ նախատեսում է նշել իր կուսակցության անդամներից մեկի ծննդյան օրը:

Զուրաբ Ջափարիձեն «Ջափարի մոտ» բարը բացել է փետրվարի 13-ին և հայտարարել, որ նա կատարում է քաղաքական անհնազանդության գործողություն: