Ժամանակակից տեխնոլոգիաներով ստեղծված «Փրկարարները» վրացական առաջին անիմացիոն սերիալը դուրս  կգա նաև տպագիր մամուլում:

Հանրային հեռարձակողի և «Զեբրա» հրատարակչության միջև արդեն ստորագրվել է պայմանագիր, ըստ որի «Զեբրան» աշխատելու է տասը տարբեր հրատարակությունների վրա:

Ինչպես ասում է հրատարակչության ղեկավարը, առաջին փուլում լույս կտեսնի գունազարդման երկու ալբոմ և ակտիվությունների գիրք: Ակտիվությունների գիրքը կլինի ժամանցային-ճանաչողական, որտեղ պատանիները կլուծեն հանելուկներ և կիրականացնեն փրկարարների հետաքրքիր առաջադրանքներ:

«Ինձ շատ է դուր գալիս «Փրկարարների» տեսողական կողմը, բոլոր կերպարները շատ գեղեցիկ են: Գլխավորը այս նախագծի ճանաչողական մասն է: Ընդհանուր առմամբ ընդունված է, որ երեխան խաղի միջոցով հեշտությամբ յուրացնում է գիտելիքները: Ակտիվությունների գիրքը թույլ է տալիս այս տեղեկատվությունը երեխաներին տալ հանելուկների տեսքով: Մեզ նույնպես շատ հետաքրքիր աշխատանք է սպասվում»,- հայտարարել է «Զեբրա» հրատարակչության ղեկավար Մակա Կասրաձեն:

«Փրկարարները» մեծ արձագանք ստացան նախքան էկրանին հայտնվելը: Առաջին վրացական 3D անիմացիոն սերիալի ստեղծման մասին տեղեկատվությունը տարածվելուն պես, տարբեր հրատարակչություններ հետաքրքրվեցին նախագծով: Վրաստանի առաջին ալիքը իր ընտրությունը կատարել է «Զեբրայի» վրա: Հանրային հեռարձակողի գլխավոր տնօրեն Թինաթին Բերձենիշվիլին ասում է, որ հեռարձակողի համար կարևոր է արտաքին արդյունաբերության զարգացումը, այդ իսկ պատճառով համագործակցության համար ընտրվել է փոքր ստուդիա, որը արդեն 12 տարի է հրատարակում է մանկական գրքեր, համագործակցում է տարբեր միջազգային կազմակերպությունների հետ, այդ թվում է նաև «ՈՒնիվերսալը»:

«Առաջին ալիքի նպատակը և 2021-2022 թվականների ռազմավարությունը կլինի այն, որ մենք ոչ միայն մնանք մեր բովանդակության մի մասում, այլև աջակցենք արտաքին արդյունաբերության զարգացմանը: Այս արդյունաբերությունը պարզապես հեռուստատեսություն չէ, այն տպագրական արդյունաբերություն է: Մենք ընտրել ենք փոքր ստուդիա, որին կաջակցենք մեր արտադրանքով: Մենք կունենանք տետրեր, գծանկարներ և որը կարևոր է առաջին ալիքի համար, այդ ամենը կլինի ճանաչողական: Այն կունենա այն արժեքը, որը առաջին ալիքը ներդնում է իր յուրաքանչյուր որոշման և արտադրանքի մեջ»,- հայտարարել է Թինաթին Բերձենիշվիլին:

Ինչ վերաբերում է «Փրկարարներ» անիմացիոն սերիալին, սա աննախադեպ նախագիծ է, որի վրա Վրաստանի առաջին ալիքի պատվերով աշխատում է «Վեստ Անիմեյշեն» ստուդիան: