Եվրախորհրդի խորհրդարանական վեհաժողովի ձմեռային նստաշրջանին երկրորդ աշխատանքային օրը կտրամադրվի Ստրասբուրգի դատարանի որոշումների կատարման հարցին
Եվրախորհրդի խորհրդարանական վեհաժողովի ձմեռային նստաշրջանին, երկրորդ աշխատանքային օրը կտրամադրվի Մարդու իրավունքների Եվրոպական դատարանի որոշումների կատարման հարցին:
Վրաստանի խորհրդարանի մամուլի ծառայության հաղորդմամբ, Վրաստանի խորհրդարանական պատվիրակության անդամները եվրոպացի գործընկերների հետ կքննարկեն Ռուսաստանի հետ վեճի և դրա վրա դրված պարտավորությունների կատարման հարցը:
Խորհրդարանական պատվիրակության ղեկավար, Կախաբեր Կուճավայի հայտարարությամբ, կարևոր է, որ Վրաստանի պատվիրակությունը ձեռք բերի աջակցություն, որպեսզի էլ ավելի արդյունավետորեն կատարվի՝ Եվրոպական դատարանի կողմից Ռուսաստանի Դաշնության վրա դրված պարտավորությունները:
«Այսօրվա նիստի օրակարգում նախատեսվում է քննարկել Մարդու իրավունքների եվրոպական դատարանի որոշումների կատարման հարցը: Այս հարցը մեզ համար շատ կարևոր է, քանի որ այս դատարանում Վրաստանն ընդդեմ Ռուսաստանի գործով տարած մեծ պատմական հաղթանակից հետո, կարևոր է բոլորին կոչ անել և աջակցություն ստանալ ՝ որպեսզի էլ ավելի արդյունավետ կատարվեն այն պարտավորությունները որոնք դրվել են Ռուսաստանի վրա: Համոզված եմ, որ դա կլինի այն պաթոսը, որը Եվրոպայի խորհրդի անդամները կկիսեն մեզ հետ: Մենք կօգտագործենք յուրաքանչյուր առիթ, ներառյալ այս բանավեճը և հարթակը, միշտ հորդորելու Ռուսաստանին կատարել ստանձնած պարտավորությունները և վերջ տալ իրավունքների խախտումներին, որոնք ամեն օր տեղի են ունենում բռնազավթված տարածքներում: Շատ կարևոր է, որ մենք օգտագործենք բոլոր ձևաչափերը և տեղեկացնենք մեր բոլոր գործընկերներին այն հարցերի մասին, որոնք վրաց ժողովրդի համար ամենօրյա խնդիր են»,- հայտարարել է Կախաբեր Կուճավան:
Եվրոպայի խորհրդի խորհրդարանական վեհաժողովի ձմեռային նստաշրջանը բացվել է երեկ: Եվրոպայի խորհրդի խորհրդարանական վեհաժողովը երեկ քննարկել է Վրաստանում 2020 թվականի խորհրդարանական ընտրությունների վերաբերյալ, վեհաժողովի դիտորդական առաքելության կողմից պատրաստված զեկույցը, որը ներկայացրել է առաքելության ղեկավար, պատգամավոր Տինի Կոքսը: Լսումներին ներկա էր նաև Վրաստանի խորհրդարանական պատվիրակությունը:
Տինի Կոքսի հայտարարությամբ, Վրաստանում անց են կացվել մրցակցային ընտրություններ և դրա արդյունքները կասկածի տակ չեն դրվի: Դիտորդական առաքելության ղեկավարը վրացական ընդդիմադիր ուժերին կոչ է արել սկսել լիարժեք խորհրդարանական գործունեություն:
Տեղեկատվությունը տարածում է Վրաստանի խորհրդարանի մամուլի ծառայությունը: