Մենք չենք ուզում ընդունել, որ Վրաստանի քաղաքացիները քվեարկել են իրենց շահերի համար, այլ ոչ թե նրա համար, ինչ է ուզում կամ ասում Ուրսուլա ֆոն դեր Լեյենը,- հայտարարել է Եվրախորհրդարանի պատգամավոր Դանիլո Դելա Վալեն՝ Եվրախորհրդարանում Վրաստանի հարցով ընթացող բանավեճին իր ելույթի ժամանակ։

Ըստ Դելա Վալեի՝ Եվրամիությանն անհրաժեշտ են երկկողմանի հարաբերություններ, այլ ոչ թե սպառնալիքներ ու ճնշումներ ուրիշների վրա։

«Երբ մենք կամաց-կամաց շարժվում ենք դեպի երրորդ համաշխարհային պատերազմ, մենք լսեցինք ութ հայտարարություն Վրաստանում ընտրությունների և բողոքի ցույցերի մասին, բայց մենք չքվեարկեցինք պաղեստինցիներին կոտորող Նեթանյահուին դատապարտող բանաձևի օգտին։ Մենք ժամանակ ենք կորցնում։ Այն, ինչ մենք չենք ուզում ընդունել, այն է, որ Վրաստանի քաղաքացիները քվեարկել են իրենց շահերի համար, այլ ոչ թե նրա համար, ինչ է ուզում կամ ասում Ուրսուլա ֆոն դեր Լեյենը։ Ամբողջ Եվրոպայում ուսանողները դուրս են գալիս փողոց՝ պահանջելու ավելի շատ իրավունքներ, երիտասարդները դուրս են գալիս փողոց՝ պահանջելու Պաղեստինի իրավունքները: ԵՄ-ն կենտրոնացած է Վրաստանի վրա, որտեղ նոր կառավարություն է ընտրվել, և այնտեղ խրախուսում են այլ շահեր՝ նրանք, ովքեր ավելի շատ են մտածում ՆԱՏՕ-ի մասին։ Մեզ անհրաժեշտ են երկկողմ հարաբերություններ, այլ ոչ թե սպառնալիքներ և ճնշումներ ուրիշների վրա»,- ասել է Դելա Վալեն