Ես դահիճ բառը չէի օգտագործի Պուտինին դիմելու համար. Էմանուել Մակրոն
Ես չէի օգտագործի «դահիճ» բառը Պուտինին բնութագրելու համար,- այս մասին տեղական լրատվամիջոցներին տված հարցազրույցում ասել է Ֆրանսիայի նախագահ Էմանուել Մակրոնը։
Նրա խոսքով, եթե Արևմուտքը ցանկանում է լիցքաթափել իրավիճակը դիվանագիտական ճանապարհով, ապա նրա համար անընդունելի է բանավոր սրումը։
«Ես չէի օգտագործի այդ բառը։ Նախ անհրաժեշտ է դադարեցնել կրակը, ապա դիվանագիտական ճանապարհով Ուկրաինայից դուրս բերել ողջ ռուսական բանակը։ Եթե մենք ցանկանում ենք դա անել, ապա մենք չենք կարող բանավոր կամ գործողություններով սրել իրավիճակը»,- ասել է Էմանուել Մակրոնը։
Հիշեցնենք, որ ԱՄՆ-ի նախագահ Ջո Բայդենը Լեհաստան կատարած այցի ժամանակ Վլադիմիր Պուտինին դահիճ էր անվանել։