Երուսաղեմում Բենիամին Նեթանյահուի տան դիմաց բողոքի ցույցի ժամանակ հինգ ցուցարար է ձերբակալվել
Երուսաղեմում Բենիամին Նեթանյահուի տան դիմաց բողոքի ցույցի ժամանակ հինգ ցուցարար է ձերբակալվել։ Տեղեկությունը տարածում են տեղական լրատվամիջոցները։
Բենիամին Նեթանյահուի տան դիմաց ցույց է անցկացվել՝ պահանջելով ազատ արձակել պատանդներին։ Ցույցին մասնակցել է մոտ 20 մարդ։ Նեթանյահուի տան մոտ ցուցարարները վանկարկել են, որ Գազայում «Համաս»-ի կողմից պատանդ վերցված մարդիկ տառապում են։
Տեղական լրատվամիջոցների փոխանցմամբ՝ մոտ 20 րոպե անց ցույցի մասնակիցները ցրվել են, ինչի ժամանակ նրանց կանգնեցրել են ոստիկանները և տարել մոտակա ոստիկանական բաժանմունք՝ հարցաքննության։ Ոստիկանությունից հայտնում են, որ նրանք ձերբակալվել են աղմուկի պատճառով։