Ենթակառուցվածքային նախագծերի զարգացման համար սահմանված 2022 թվականի բյուջեն ռեկորդային է, որը կազմել է 3,3 միլիարդ լարի,- այս մասին կառավարության գործունեության 2021 թվականի հաշվետվությունը ներկայացնելու ժամանակ, հայտարարել է Վրաստանի վարչապետ Իրակլի Ղարիբաշվիլին:

Վարչապետի խոսքով՝ 2021 թվականին բացվել է Իմերեթին և Ռաճան կապող 51 կիլոմետրանոց նոր ճանապարհը, որը հնարավորություն է տվել Թբիլիսիից Օնի հասնել ընդամենը 3 ժամում և զգալիորեն մեծացրել է տարածաշրջան այցելուների թիվը։

«Ինչ վերաբերում է ենթակառուցվածքին. Ուզում եմ ձեզ ասել, որ այստեղ էլ ռեկորդային բյուջե է լինելու։ Այս տարի նախատեսում ենք սկսել շատ կարևոր նախագծեր։ Մինչ այդ ասեմ, որ բոլոր մունիցիպալիտետներում սկսել ենք քաղաքաշինության ծրագրերը, որոնցում առաջին փուլում կծախսվի մոտ 500 մլն. լարի, և առաջիկա մի քանի ամիսների ընթացքում կավարտենք այս ծրագիրը։ Բյուջեն ընդհանուր առմամբ կկազմի 3,3 միլիարդ լարի, ինչը 16 տոկոսով ավելի է, քան այս տարի էր, և 28 տոկոսով ավելի, քան ենթակառուցվածքների նախարարության 2020 թվականի ողջ բյուջեն։ Ասեմ նաև, որ շահագործման կհանձնվի Արևելք-Արևմուտք մայրուղու ևս 50 կմ, ինչը 20 րոպեով կկրճատի ճանապարհի ժամանակը։ Արևելք-Արևմուտք միջանցքի ավարտից հետո բոլոր հատվածների շահագործման հանձնելու արդյունքում ճանապարհի ժամանակը կկրճատվի երկու անգամ և 8 ժամի փոխարեն Կարմիր կամրջից Սարփի ճանապարհը հնարավոր կլինի մոտ 4 ժամում։ Ասեմ նաև, որ այս տարի շատ կարևոր ճանապարհներ ենք բացել։ Սա Իմերեթին Ռաճային կապող 51 կիլոմետրանոց նոր ճանապարհ էր, որը հնարավորություն տվեց Թբիլիսիից Օնի հասնել ընդամենը 3 ժամում և արդեն զգալիորեն մեծացրել է տարածաշրջան այցելուների թիվը»,- ասել է Իրակլի Ղարիբաշվիլին։

Կառավարության ղեկավարի խոսքով՝ ջրամատակարարման լայնածավալ ծրագրեր են իրականացվում և 4 տարի անց բոլոր քաղաքներում շուրջօրյա ջրամատակարարում կլինի:

«Ընթացքի մեջ են ջրամատակարարման լայնածավալ ծրագրեր։ Ներկայումս 150 բնակավայրերում իրականացվող ծրագրերը կբարելավեն 360 000 մարդու ջրամատակարարումը։ Դրանցից 200 հազարը երբեք ջրամատակարարման հնարավորություն չի ունեցել: 4 տարի հետո բոլոր քաղաքները կունենան 24-ժամյա ջրամատակարարում»,- ասել է վարչապետը։