«Թեև նրանք հնարավորություն ունեին խաղաղ կերպով արտահայտելու իրենց բողոքը, հանրահավաքի մասնակիցները շարունակել են հարձակումները ոստիկանների վրա և փորձել ճեղքել շղթան»,- ասել է ՆԳ փոխնախարար Ալեքսանդր Դարախվելիձեն ՆԳՆ-ում կայացած ճեպազրույցում։

«2024 թվականի ապրիլի 30-ին հանրահավաքի մասնակիցները ժամը 11:00-ի սահմաններում սկսեցին հավաքվել խորհրդարանի շենքի հետնամուտքի մոտ, որտեղ հանրահավաքն ընթանում էր խաղաղ իրավիճակում։ Իրավապահները, ինչպես բոլոր հավաքների և ցույցերի ժամանակ ներկա են եղել և պաշտպանել հասարակական կարգն ու քաղաքացիների անվտանգությունը։

Օրվա երկրորդ կեսին՝ ժամը 18:00-ի սահմաններում, հանրահավաքը միաժամանակ մեկնարկվեց Ռուսթավելի պողոտայում գտնվող խորհրդարանի շենքի դիմաց, որտեղ հանրահավաքի մասնակիցները բեմ են բարձրացրել։ Հանրահավաքին տարբեր վայրերից միացել են քաղաքացիներ, ոստիկաններն ապահովել են նրանց խաղաղ տեղաշարժը, իսկ Ռուսթավելի պողոտայում ըստ անհրաժեշտության սահմանափակվել է ավտոմոբիլային երթևեկությունը։

Կարևոր է նշել, որ ակցիային զուգահեռ օրենսդիր մարմնում աշխատանքային ռեժիմ էր՝ ներառյալ լիագումար նիստը։ Ցանկանում եմ ընդգծել, որ հանրահավաքի կազմակերպիչներն ու մասնակիցները ողջ օրվա ընթացքում հնարավորություն են ունեցել իրենց բողոքն արտահայտել խաղաղ ձևով, սակայն օրվա վերջում՝ ժամը 21։00-ի սահմաններում, լիագումար նիստի ավարտից հետո հանրահավաքի մասնակիցները փակել են օրենսդիր մարմնի մուտքերը, ինչը դրսևորվել է նրանով, որ քաղաքական առաջնորդները և հանրահավաքի մասնակիցները գտնվում են Չիտաձե և Ճիճինաձե փողոցներում գտնվող շենքի ելքերի մոտ։ Նրանք արհեստականորեն փակել են ելքերը և պնդում են, որ թույլ չեն տա պատգամավորներին դուրս գալ օրենսդիր մարմնի շենքից։

Վրաստանի «Հավաքների և դրսևորումների մասին» օրենքի համաձայն արգելվում է վարչական շենքերի մուտքերը փակել և խաթարել դրանց գործունեությունը։ Չնայած ոստիկանության բազմաթիվ կոչերին, ինչպես նաև ՆԳՆ-ի հայտարարություններին՝ չշրջափակել վարչական շենքը և շարունակել բողոքի ակցիան օրենքի սահմաններում, հանրահավաքի կազմակերպիչները չեն ենթարկվել հրահանգներին և շարունակել են դիտավորյալ փակել մուտքերը՝ հաշվի առնելով իրավիճակը, ոստիկանները ապահովել են խորհրդարանի շենքը: Ոստիկանությունն ապահովել է պատգամավորների անվտանգ հեռացումը, մինչդեռ հանրահավաքի մասնակիցները օրենքի շրջանակներում իրենց բողոքի ակցիան խաղաղ շարունակելու լիարժեք հնարավորություն ունեին։

Թեև հանրահավաքի մասնակիցները Ռուսթավելի պողոտայում և խորհրդարանի ետնամուտքում հնարավորություն ունեին խաղաղ կերպով իրենց բողոքն արտահայտելու, սակայն հանրահավաքի մասնակիցները շարունակեցին հարձակվել ոստիկանների վրա և փորձել ճեղքել շղթաները։ Հանրությունը հստակ տեսավ, որ ակցիան ամբողջությամբ բռնի բնույթ է ստացել։ Բոլորս լավ տեսանք, թե ինչպես ցուցարարները դիմակայեցին ոստիկաններին։ Նրանց նկատմամբ ֆիզիկական և բանավոր բռնության են ենթարկել, իրավապահների ուղղությամբ նետել տարբեր ծանր իրեր, այդ թվում՝ քարեր, շշեր։ Բռնի գործողությունների արդյունքում տուժել է վեց ոստիկան, որոնք տեղափոխվել են կլինիկաներ՝ համապատասխան բուժօգնություն ստանալու համար։

Հասարակական կարգը վերականգնելու և իրավիճակը լիցքաթափելու նպատակով պատշաճ նախազգուշացումից հետո՝ մոտավորապես ժամը 22:15-ին, ոստիկանությունը հետևողականորեն սկսել է կիրառել Վրաստանի «Ոստիկանության մասին» օրենքով սահմանված հատուկ միջոցներ, մասնավորապես պղպեղի սպրեյ , արցունքաբեր գազ և ջրցան թնդանոթ: Իրավապահների կողմից հատուկ գործիքի՝ պղպեղի սփրեյի կիրառումից հետո իրավիճակը քիչ թե շատ կայունացավ, սակայն ցուցարարների գործողությունները շուտով վերածվեցին բռնության։ ՆԳՆ-ի տարածած պաշտոնական հայտարարությունից, ինչպես նաև հանրահավաքի մասնակիցների՝ տեղում հատուկ ձայնով նախազգուշացումից հետո, ժամը 23։40-ի սահմաններում, անօրինական գործողությունները կանխելու և օրենքն ու կարգը վերականգնելու նպատակով հատուկ առաջադրանքների վարչության աշխատակիցները այլ հատուկ միջոցների հետ մեկտեղ կիրառել են նաև ջրցան մեքենաներ։

Ռուսթավելի պողոտայում և խորհրդարանի հարակից տարածքներում բռնի գործողությունները շարունակվել են մի քանի ժամ, ինչի պատճառով ոստիկանությունը մեկ անգամ չէ, որ ստիպված է եղել հատուկ միջոցներ կիրառել։ Ողջ գիշեր հանրահավաքի մասնակիցները բազմիցս անգամ ագրեսիվություն են ցուցաբերել իրավապահների նկատմամբ, նրանք հաճախ են ոստիկանների ուղղությամբ տարբեր իրեր ու առարկաներ նետել, տարբեր շինություններով արհեստականորեն փակել Ռուսթավելի պողոտան և վնասել Թբիլիսիի քաղաքապետարանի ենթակառուցվածքները։

Հանրությունը լավ տեսավ և տարբեր ալիքների ուղիղ եթերում պարզ երևում էր, որ ոչ միայն հանրահավաքի մասնակիցները, այլև ընդդիմադիր կուսակցությունների ղեկավարները մշտապես բռնի գործողություններ էին կատարում։ «Ազգային շարժման» նախագահ Լևան Խաբեիշվիլիի գործողությունը, երբ ոստիկանների գործունեությունը խոչընդոտելու նպատակով ներխուժել է ոստիկանական շղթա, դիմադրել է նրանց, որի ժամանակ նա վիրավորվել է։ Լևան Խաբեիշվիլիին անմիջապես տեղափոխել են բուժհաստատություն։ Սրա կապակցությամբ համապատասխան ծառայություններն ապահովելու են անհրաժեշտ քննչական գործողությունների կատարումը։

Ռուսթավելիի պողոտայի ակցիային զուգահեռ ակցիայի մասնակիցները ժամը 00:30-ի սահմաններում շարժվել են Թբիլիսիի տարբեր փողոցներ և չնայած իրենց սակավությանը, արհեստականորեն փակել են Թբիլիսիի կենտրոնական փողոցների՝ աջ և ձախ ափի երթևեկությունը մի քանի ժամ օգտագործելով առարկաներ և սարքավորումներ և տարբեր շինություններ: Հանրահավաքի մասնակիցները ագրեսիա են արտահայտել մեքենաների վարորդների նկատմամբ վնասել են նաև մասնավոր անձանց մեքենաները։ Ռուսթավելի պողոտայում ժամը 04:30-ի սահմաններում ոստիկանության ստորաբաժանումներն ամբողջությամբ ազատել են Ռուսթավելի պողոտան և խորհրդարանի շենքի հարակից տարածքը։

Եվս մեկ անգամ հայտարարում ենք, որ չի կարելի վիրավորել իրավապահներին, հարձակվել նրանց վրա և ցանկացած բռնություն, նախարարությունը համապատասխան արձագանք կտա բոլոր նման փաստերին։ Չի թույլատրվում նաև կաթվածահար անել մայրուղիները։ Համաձայն Վրաստանի «Հավաքների և ցույցերի մասին» օրենքի՝ հավաքի կամ ցույցի մասնակիցներին արգելվում է միտումնավոր խոչընդոտներ ստեղծել մայրուղիներում։

ՆԳՆ աշխատակիցները Ռուսթավելի պողոտայում տեղի ունեցած հանրահավաքում մանր խուլիգանության և ոստիկանության օրինական պահանջներին չենթարկվելու փաստերով Վարչական իրավախախտումների վերաբերյալ օրենսգրքի 166-րդ և 173-րդ հոդվածներով ձերբակալվել են 63 անձ։ Եվս մեկ անգամ նշում ենք, որ ՆԳՆ վեց աշխատակիցներ տարբեր ծանր վնասվածքներ են ստացել Ռուսթավելիի պողոտայում տեղի ունեցած հանրահավաքի ժամանակ՝ հանրահավաքի մասնակիցների կատաղի գործողությունների արդյունքում։ Նշված փաստի առթիվ հետաքննությունը տարվում է Քրեական օրենսգրքի 353-րդ հոդվածով»,- ասաց ՆԳ փոխնախարարը։