Եմենի հութիները պնդում են, որ բալիստիկ հրթիռով հարձակվել են Իսրայելի էլեկտրակայանի վրա
Եմենի «հութիները» պնդում են, որ բալիստիկ հրթիռով հարձակվել են Իսրայելի էլեկտրակայանի վրա։
«Հութիների» մամուլի խոսնակ Յահյա Սարեյայի խոսքով՝ հարձակման թիրախը եղել է Հադերա քաղաքի մոտ գտնվող Օրոտ Ռաբին էլեկտրակայանը։ Եթե հարձակումը հաստատվի, դա կլինի ամենախորը հարվածը, որը երբևէ իրականացվել է Իսրայելում հութիների կողմից։
Իսրայելի պաշտպանության բանակը հայտնել է, որ հրթիռը հաջողությամբ խոցվել է նախքան երկրի սահմանը հատելը: Իրանի կողմից աջակցվող խմբավորումը պնդում է, որ «գործողությունը հաջողությամբ հասել է իր նպատակներին»։
Միաժամանակ հայտնի է, որ ԱՄՆ-ի և Մեծ Բրիտանիայի ռազմական ինքնաթիռները ռմբակոծել են Եմենի տարածքը։