Վրաստանի խորհրդարանում, «Նախարարի ժամ» ձևաչափով զեկույց ունենալու ժամանակ, Ջուանշեր Բուրճուլաձեն ավիացիոն կարողությունների զարգացումը անվանել է, որպես պաշտպանության ուժերի կարողությունների բարձրացման կարևորագույն ուղղություններից մեկը:

«Հանձնաժողովում լսումների ժամանակ ես խոստացա, որ շուտով կտեսնենք սեփական ուժերով վերանորոգված առաջին «Սու 25»-ը, որի հաջող փորձնական թռիչքը բոլորս տեսել ենք», – հայտարարել է Վրաստանի պաշտպանության նախարարը, նշելով, որ ավիացիայի նպատակը ոչ միայն մարտական ​​գործողությունների կատարում է, այլև օդային նյութատեխնիկական ապահովումը, բժշկական տարհանման գործողությունների իրականացումը, մանևրային ստորաբաժանումների օդային աջակցությունը և այլ նմանատիպ գործառույթներ:

Ջուանշեր Բուրճուլաձեն օրենսդիրներին տեղեկացրեց նաև ավիացիոն պարկի ամբողջական վերականգնման շրջանակներում ընթացիկ տարվա ծրագրերի մասին: Նրա խոսքով, ընթացիկ տարում կվերանորոգվի չորս միավոր «Սու 25», չորս միավոր «Մի 24» և երեք միավոր «Իրոկեզ» տեսակի թռչող սարք: Նախարարը նշել է նաև, որ վերականգնում-արդիականացմանը զուգահեռ իրականացվում է օդաչուների և տեխնիկական անձնակազմի որակավորման և մասնագետների համապատասխան վերապատրաստում, որոնց պատրաստման գործում ներգրավված են ինչպես տեղական փորձագետներ, այնպես էլ բարեկամ և գործընկեր երկրների ներկայացուցիչներ: