Վրաստանի ՆԳ նախարարության Թբիլիսիի ոստիկանության վարչության աշխատակիցները, օպերատիվ միջոցառումների և քննչական գործողությունների արդյունքում ձերբակալել են 1983 թվականին ծնված, նախկինում տարբեր հանցագործությունների, այդ թվում՝ բռնության, առողջությանը վնաս պատճառելու և ոստիկանի օրինական պահանջին անհնազանդության համար դատապարտված Գ.Օ.-ին։ Նրանք ձերբակալվել են Թբիլիսիում։ Տեղեկությունը տարածում է ՆԳ նախարարությունը:

Գերատեսչության փոխանցմամբ, հանցագործությունը պատժվում է մինչև յոթ տարվա ազատազրկմամբ։

«Քննությամբ պարզվել է, որ այս տարվա մայիսի 13-ին, Թբիլիսիում, խորհրդարանի մոտ տեղի ունեցած բողոքի ակցիայի ժամանակ Գ.Օ.-ն ֆիզիկական բռնության է ենթարկել ՆԳ նախարարության աշխատակիցներին։ Մասնավորապես, ակցիայի ժամանակ ձերբակալվածն արմունկով ու բռունցքով հարվածել է ոստիկաններին ու վնասել դեմքը։ Կատարված քննչական գործողությունների արդյունքում Գ.Օ.-ին իրավապահները ձերբակալել են Թբիլիսիում։

Նախաքննությունը կատարվում է Քրեական օրենսգրքի 353-րդ հոդվածի առաջին մասով, որը վերաբերում է ծառայողական պարտականությունները կատարելիս ոստիկանի վրա հարձակում գործելուն»,- ասված է ՆԳ նախարարության տեղեկատվության մեջ։