Սերբիայի նախագահ Ալեքսանդր Վուչիչը հունիսի 15-ին պաշտոնական այցով կժամանի Վրաստան
Սերբիայի Հանրապետության նախագահ Ալեքսանդր Վուչիչը հունիսի 15-ին պաշտոնական այցով կժամանի Վրաստան՝ տիկնոջ և պետական պատվիրակության հետ միասին։
Այս մասին հայտարարել է Վրաստանի նախագահի աշխատակազմը։
Նրանց համաձայն՝ սերբ գործընկերոջ պաշտոնական դիմավորման արարողությունը տեղի կունենա նախագահական պալատում ժամը 15:35-ին, որից հետո Վրաստանի նախագահ Միխեիլ Ղավելաշվիլին անձնական հանդիպում կունենա Ալեքսանդր Վուչիչի հետ, որտեղ կողմերը կքննարկեն երկկողմ համագործակցության և գործընկերության խորացման հարցեր։