Ընդդիմությունը շարունակում է աշխատել սովորական ռեժիմում, մենք ունենք ծրագիր, մենք արդեն ծրագրել ենք այդ օրը, երբ տեղի կունենա խորհրդարանի առաջին նիստը,- այս մասին լրագրողներին ասել է «Ազգային շարժման» անդամ Զաալ Ուդումաշվիլին:
Ըստ նրա, խորհրդարանի առաջին նիստին զուգահեռ, բոլոր պատգամավորները, որոնք ԿԸՀ-ի համաձայն մտել են խորհրդարան, դիմում կգրեն մանդատը թողնելու մասին:
«Մենք զուգահեռ միջոցառում ենք անց կացնելու, որտեղ բացարձակապես բոլոր ընդդիմադիր կուսակցությունները, որոնք չեն ճանաչում ընտրությունների արդյունքները և պահանջում են կրկնակի ընտրություններ, համատեղ հռչակագիր կստորագրեն: Նաև բոլոր պատգամավորները, ովքեր, ըստ ԿԸՀ-ի մտել են խորհրդարան, դիմում կգրեն մանդատը թողնելու մասին և դա կարվի հրապարակավ, որից հետո դիմումը կներկայացվի խորհրդարան: Մենք գնում ենք մեր ծրագրով և ոչինչ չի փոխվում: Հիմա ամեն ինչ կախված է իշխանությունից, թե որքանով ենք մենք առաջ գնալու այս բանակցություններում և ընդհանուր առմամբ, որքան մոտ կլինեն դիրքերը, քանի որ կրկնում եմ, մեր դիրքերը շատ ամուր են և մենք կարծում ենք, որ լուծումը նոր ընտրություններ անցկացնելն է»,- հայտարարել է Զաալ Ուդումաշվիլին:
