Խորհրդարանը գերագույն դատարանի նախագահ է նշանակել Նինո Քադագիձեին

16:11, 17.03.2020

Խորհրդարանը ընտրել է գերագույն դատարանի նախագահին:

Նինո Քադագիձեի թեկնածությունը քվեարկության է դրվել այսօրվա լիագումար նիստում:

Քադագիձեի թեկնածությանը աջակցել է 82 պատգամավոր, դեմ չեն արտահայտվել:

Քվեարկությանը չեն մասնակցել «միասնական ազգային շարժման» և «եվրոպական Վրաստանի» ներկայացուցիչները, որոնք շարունակում են քաղաքական բոյկոտը:

Լիագումար նիստին ներկա էր նաև Նինո Քադագիձեն:

Նա սեփական տեսակետը ներկայացրել է իրավական հարցերով հանձնաժողովին, որտեղ նրան լսել են երկու ժամվա ընթացքում:

Նինո Քադագիձեն մանրամասն խոսել է այն բարեփոխումների մասին, որոնք մտադիր է իրականացնել գերագույն դատարանում:

Հեղինակ - edgar barsegyan