Վրաստանի ռեգբիի ազգային հավաքականը մինչ Ռուսաստանի հետ հանդիպումը «Շևարդենիի» մարզադաշտում անց է կացրել բաց պարապմունք:
Վրաստանի հավաքականը Կրասնոդար է մեկնելու այսօր: Մարզումներից հետո լրագրողների հետ է հանդիպել հավաքականի գլխավոր մարզիչ Միլտոն Հեյգը:
«Լավ ենք պատրաստվել Ռուսաստանի հետ հանդիպման համար: Ռուսաստանը Վրաստանի համար սկզբունքային թիմ է: Նրանք լավ ռեգբիստներ ունեն և փորձում են խաղալ արագ, սակայն մենք պատրաստ ենք դրան»,-ասել է Հեյգը:
Ռեգբիի եվրոպայի առաջնության շրջանակներում Վրաստան-Ռուսաստան հանդիպումը կայանալու է մարտի 10-ին Կրասնոդարում, Թբիլիսիի ժամանակով ժամը 16:00-ին: