Վրաստանի հավաքականը հաղթել է Ռումինիային և դարձել ռեգբի Եվրոպայի չեմպիոն #1TVSPORT
Ռեգբի Եվրոպայի 2021 թվականի առաջնության մրցաշրջանի չորրորդ խաղում, Վրաստանի հավաքականը հյուրընկալեց ավանդական մրցակցին ՝ Ռումինիայի հավաքականին:
Հանդիպումը սկսվեց տանտերերի առավելությամբ և 10 րոպե անց առաջ անցանք տուգանային լելոյի շնորհիվ՝ 7-0: 20-րդ րոպեին Աբժանդաձեի դիպուկ տուգանային հարվածի շնորհիվ էլ ավելի մեծացավ տարբերությունը ՝ 10-0:
Նշենք, որ Շալվա Մամուկելաշվիլին խաղադաշտից հեռացվել էր հենց առաջին խաղակեսում, և, ըստ էության, Վրաստանի հավաքականը մինչև հանդիպման ավարտը խաղացել է 14 ռեգբիստով:
Ռումինացիներն ավելի ակտիվացան առաջին խաղակեսի երկրորդ կեսից, 22-րդ րոպեին լելո դրեցին և դիպուկ կատարված հարվածից հետո հաշիվը դարձավ ՝ 10-7: 35-րդ րոպեին Թեդո Աբժանդաձեն չկարողացավ իրացնել տուգանային հարված և բաց թողեց առաջ անցնելու հնարավորությունը: Առաջին խաղակեսի ավարտին խաղը տեղափոխվեց ռումինացիների խաղադաշտ: Վրացիների գրոհներն արդյունք տվեցին: Աբժանդաձեն իրացրեց Ռումինիայի դարպասների ուղղությամբ 40+3 րոպեյին նշանակված տուգանայինը, և թիմերը դուրս եկան ընդմիջման ՝ 13-7 հաշվով:
Երկրորդ խաղակեսը ռումինացիները ակտիվ սկսեցին, ձեռք բերեցին տուգանայինի իրավունք, դիպուկ կատարեցին այն և կրկին նվազագույնի հասցրեցին հաշիվը ՝ 13:10: Դրանից հետո Վրաստանի հավաքականը կրկին առաջ անցավ հաշվի մեջ: 53-րդ րոպեյին գրոհը սկսեց Բեքա Գիգաշվիլին, որն ավարտվեց մեր հավաքականի լելոյով, իսկ Թեդո Աբժանդաձեն բարդ դիրքից իրացրեց տուգանայինը և հաշիվը դարձրեց՝ 20-10:
Բաց թողած լելոյին կրկին հետևեց ռումինացիների ակտիվությունը, որը ի վերջո բերեց իր արդյունքը և հաշիվը կրճատվեց՝ 20-17:
Վրաստանի հավաքականին, չնայած որ մնացել էր 14 հոգով, կրկին հաջողվեց առաջ անցնել: 70-րդ րոպեյին Տաբուցաձեն դրեց հերթական լելոն և հաշիվը դարձրեց 25:17: Իսկ վերջում Բաբունաշվիլիի իրացրած տուգանայինի շնորհիվ գրանցվեց վերջնական հաշիվը՝ 28-17:
Վրացի ռեգբիիստները «Ռեգբի Եվրոպայում» վերջին անգամ մեկ միավորի տարբերությամբ պարտվել էին 2017 թվականին (8: 7) և այդ ժամանակվանից «Կաղնու տերևներին» հաղթել են երեք խաղում անընդմեջ և ունեն 18 խաղերի հաղթական շարք: Տպավորիչ էր 2020 թվականին տարած հաղթանակը, որտեղ մեր տղաները հաղթեցին 41:13 հաշվով: Թիմերը միմյանց հետ խաղացել են 23 անգամ: Այս հանդիպումներից 14-ում հաղթել է Վրաստանը, իսկ իննը ՝ Ռումինիան: Հատկանշական է, որ առաջին իննը դիմակայություններից յոթում հաղթել է Ռումինիան և 2006 թվականից հետո սկսվեց Վրաստանի հավաքականի գերիշխանությունը:
![](https://cdn.1tv.ge/app/uploads/2021/03/1616934074-%E1%83%91%E1%83%9D%E1%83%A0%E1%83%AF%E1%83%A6%E1%83%90%E1%83%9A%E1%83%9D%E1%83%A1%E1%83%9C%E1%83%94%E1%83%91%E1%83%98.jpg)
![](https://cdn.1tv.ge/app/uploads/2021/03/1616934075-%E1%83%91%E1%83%9D%E1%83%A0%E1%83%AF%E1%83%A6%E1%83%90%E1%83%9A%E1%83%9D%E1%83%A1%E1%83%9C%E1%83%94%E1%83%91%E1%83%981.jpg)
![](https://cdn.1tv.ge/app/uploads/2021/03/1616934076-%E1%83%91%E1%83%9D%E1%83%A0%E1%83%AF%E1%83%A6%E1%83%90%E1%83%9A%E1%83%9D%E1%83%A1%E1%83%9C%E1%83%94%E1%83%91%E1%83%983.jpg)
![](https://cdn.1tv.ge/app/uploads/2021/03/1616934111-%E1%83%A0%E1%83%90%E1%83%92%E1%83%91%E1%83%98-%E1%83%9C%E1%83%90%E1%83%99%E1%83%A0%E1%83%94%E1%83%91%E1%83%98.jpg)