Վրաստանի ԱԳՆ. Մենք ցնցված ենք Նոր Օռլեանում տեղի ունեցած հարձակումից, խստորեն դատապարտում ենք ցանկացած տեսակի բռնություն, մեր համերաշխությունն ենք հայտնում Միացյալ Նահանգների ժողովրդին այս դժվարին պահին
Վրաստանի արտաքին գործերի նախարարությունն իր ցավակցությունն է հայտնում Նոր Օռլեանում տեղի ունեցած միջադեպի կապակցությամբ, որը հանգեցրել է զոհերի։
Այս մասին նշված է ԱԳՆ-ի սոցցանցում հրապարակված ցավակցական նամակում։
«Մենք ցնցված ու տխուր ենք Նոր Օռլեանում տեղի ունեցած հարձակումից։ Մենք խստորեն դատապարտում ենք բռնության բոլոր ձևերը և մեր համերաշխությունն ենք հայտնում զոհերին, նրանց ընտանիքներին և Միացյալ Նահանգների ժողովրդին այս դժվար պահին»,- ասված է Վրաստանի արտաքին գործերի նախարարության հայտարարության մեջ։
ԱՄՆ-ի Նոր Օռլեանում բեռնատարը մխրճվել է ամբոխի մեջ, ինչի հետևանքով զոհվել է առնվազն 10 մարդ, վիրավորվել՝ 30-ը։