Վրաստանի արտաքին գործերի նախարար Դավիթ Զալկալիանին ցավակցություն է հայտնում ուկրաինական ինքնաթիռի ավիավթարի հետևանքով զոհված մարդկանց մտերիմներին:

Թեհրանում ուկրաինական ինքնաթիռի կործանմանը Դավիթ Զալկալիանին արձագանքել է սոցիալական ցանցով:

«Խորապես վշտացած ենք Իրանում ուկրաինական ինքնաթիռի վթարի մասին տեղեկությամբ, որի հետևանքով զոհվել են ինքնաթիռում գտնվող բոլոր մարդիկ: Մենք անկեղծորեն ցավակցում ենք նրանց ընտանիքներին, ովքեր այս ահավոր դեպքի պատճառով կորցրել են իրենց հարազատներին»,- գրում է Դավիթ Զալկալիանին:

Ուկրաինական ինքնաթիռը Թեհրանի օդանավակայանի մերձակայքում ընկել է թռիչքից երկու րոպե անց, զոհվել են ինքնաթիռում գտնվող բոլոր 170 անձինք: Նախնական վարկածով, ավիավթարը տեղի է ունեցել ինքնաթիռի անսարքության պատճառով:

Deeply saddened by the news of the #Ukrainian plane crash in Iran claiming the lives of all on board. Our sincere condolences to the families who have lost their loved ones in this terrible tragedy @MFA_Ukraine

— David Zalkaliani (@DZalkaliani) January 8, 2020