«Վրացական երազանք». Եթե Բիձինա Իվանիշվիլիին պատժամիջոցների ենթարկեն, կբացահայտվի, որ «Deep State»-ը Մեծ Բրիտանիան իջեցրել է Եվրախորհրդարանի, Էստոնիայի, Ուկրաինայի, Լիտվայի մակարդակին, ինչը պետք է որպես ողբերգական իրադարձություն գնահատվի
Եթե Մեծ Բրիտանիան պատժամիջոցներ կիրառի Բիձինա Իվանիշվիլիի դեմ, ապա դա հստակ ցույց կտա, որ «Deep State»-ը իջեցրել է Մեծ Բրիտանիան Ուկրաինայի, Լիտվայի, Էստոնիայի և Եվրախորհրդարանի մակարդակին, ինչը, հաշվի առնելով այս պետության պատմական անցյալը, պետք է դիտարկել բացառիկ ողբերգական իրադարձություն,- ասվում է «Վրացական երազանքի» քաղաքական խորհրդի հայտարարության մեջ.
Հայտարարության համաձայն՝ Վրաստանի իշխող կուսակցության առաջնորդին, ով Վրաստանն ազատեց ավտորիտար իշխանությունից և երկրում ժողովրդավարական անցում բերեց, սպառնում են պատժամիջոցներով։
«Ինչպես հայտնի է, տասնչորս պատգամավորներ Բիձինա Իվանիշվիլիի նկատմամբ պատժամիջոցներ կիրառելու նախաձեռնություն են ներկայացրել Մեծ Բրիտանիայի Համայնքների պալատ։ Այս նախաձեռնությանը նախորդել էր Մեծ Բրիտանիայի կողմից Վախտանգ Գոմելաուրիի և Վրաստանի ՆԳՆ այլ բարձրաստիճան պաշտոնյաների դեմ պատժամիջոցների կիրառումը։ Վրացական հասարակությունը քաջ գիտակցում է, որ պատմականորեն Մեծ Բրիտանիան միշտ աչքի է ընկել որպես ուժեղ, ինքնիշխան և առաջադեմ պետություն, որի շրջանակներում զարգացել է օրենքի գերակայության գաղափարը և մարդու հիմնարար իրավունքները։ Հենց Անգլիայում ի հայտ եկան հիմնարար դատավարական իրավունքները, և մասնավորապես՝ արդար դատաքննության իրավունքը, ըստ որի՝ անձին պետք է պատշաճ կերպով լսեն՝ նախքան դատապարտելը, և պատիժը պետք է հիմնավորվի անհերքելի ապացույցներով: Ապշեցուցիչ է, որ այն, ինչ գիտակցել են Անգլիայում դեռ 13-րդ և 17-րդ դարերում, 21-րդ դարում բրիտանական կառավարության կողմից ամբողջությամբ մոռացվել և ոտնահարվել է: Բոլորս հիշում ենք հինգ անարդար ու ամոթալի հակավրացական բանաձեւերը, որոնցով Եվրախորհրդարանը պահանջում էր պատժել Բիձինա Իվանիշվիլիին եւ ազատ արձակել հանցագործներին։ Մենք բոլորս հիշում ենք վրացի քաղաքական գործիչների, պետական ծառայողների և նրանց ընտանիքի անդամների նկատմամբ ուկրաինական անարդար ու ամոթալի պատժամիջոցները, որոնք չեն հիմնավորվել որևէ փաստով կամ ապացույցով։ Մենք բոլորս հիշում ենք վրաց քաղաքական գործիչների և բարձրաստիճան պաշտոնյաների դեմ պատժամիջոցներ կիրառելու Լիտվայի և Էստոնիայի հակավրացական որոշումը, որը նույնպես հիմնված չէր որևէ փաստի կամ ապացույցի վրա։
Չափազանց մտահոգիչ է, որ Մեծ Բրիտանիայի նման երկիրն այսօր վերածվել է հերթական խաղալիքի «Deep State»-ի՝ նույն համաշխարհային պատերազմի կուսակցության կողմից, ինչպես Ուկրաինան, Լիտվան, Էստոնիան և Եվրախորհրդարանը: Այսօր, առանց որևէ հիմքի, Վրաստանի իշխող կուսակցության առաջնորդին սպառնում են պատժամիջոցներով, որը Վրաստանն ազատեց ավտորիտար իշխանությունից, երկիր բերեց ժողովրդավարական անցում, վերջ դրեց սպանությունների և խոշտանգումների, բիզնեսի ռեկետին, լրատվամիջոցների առևանգմանը, և ընտրակեղծիքներին, բերեց 12 տարվա անխափան խաղաղություն երկրում և եռապատկեց տնտեսությունը: Եթե Մեծ Բրիտանիան պատժամիջոցներ կիրառի Բիձինա Իվանիշվիլիի դեմ, դա հստակ ցույց կտա, որ «Deep State»-ը իջեցրել է Մեծ Բրիտանիան Ուկրաինայի, Լիտվայի, Էստոնիայի և Եվրախորհրդարանի մակարդակին, որը, հաշվի առնելով այս պետության պատմական անցյալը, պետք է գնահատվի որպես բացառիկ ողբերգական իրադարձություն։ Եթե պատժամիջոցներ սահմանվեն, Միացյալ Թագավորության հեղինակությունը՝ որպես օրենքի գերակայության և մարդու հիմնարար իրավունքների վրա հիմնված պետություն, կմնա անցյալում: Այնուամենայնիվ, հաշվի առնելով, որ «Deep State»-ը կամ գլոբալ պատերազմի կուսակցությունը բազմաթիվ պետություններ է մատնել ֆիզիկական ոչնչացման, Մեծ Բրիտանիայի պետական-բարոյական կործանումն ու անկումը շատ ավելի քիչ ողբերգական իրադարձություն է», – ասվում է «Վրացական երազանքի» քաղխորհրդի հայտարարության մեջ:
