Ներքին գործերի նախարարության Կախեթիի ոստիկանության դեպարտամենտի Սղնաղիի շրջանային վարչության աշխատակիցները ընտանիքի անդամին պատանդ վերցնելու մեղադրանքով ձերբակալել են նախկինում դատված և ներկայում պայմանական դատապարտման տակ գտնվող, 1993 թվականին ծնված Գ.Կ.-ին։ Տեղեկությունը տարածում է ՆԳՆ-ն։

Գերատեսչության հաղորդմամբ՝ իրականացված օպերատիվ-հետաքննական միջոցառումների արդյունքում իրավապահները մեղադրյալին ձերբակալել են տեղում։ Ն.Կ.-ի կյանքին և առողջությանը վտանգ չի սպառնում։

«Հետաքննությամբ պարզվել է, որ մեղադրյալը պատանդ է վերցրել իր սեփական տատիկին՝ 1950 թվականին ծնված Ն.Կ.-ին, և պահանջել է արտերկրից վերադարձնել իր նախկին կնոջը, հակառակ դեպքում սպառնացել է տատիկի կյանքը խլել։ Հետաքննությունը իրականացվում է Քրեական օրենսգրքի 11 պրիմա 144-րդ հոդվածով, որը նախատեսում է մինչև 14 տարվա ազատազրկում», – նշված է ՆԳՆ-ի տարածած տեղեկատվությունում։