Ուկրաինան կկարողանա անվտանգության երաշխիքների վերաբերյալ միջազգային համաձայնագիր ստորագրել, այն բանից հետո, ինչ նշված հարցի շուրջ կկայանա ազգային հանրաքվե. Միխայիլ Պոդոլյակ
Ուկրաինան կկարողանա անվտանգության երաշխիքների վերաբերյալ միջազգային համաձայնագիր ստորագրել միայն այդ հարցի շուրջ ազգային հանրաքվեից հետո։ Այս մասին ռուսական պատվիրակության հետ բանակցություններից հետո, հայտարարել է Ուկրաինայի նախագահի աշխատակազմի ղեկավարի խորհրդական, Միխայիլ Պոդոլյակը:
«Շատ կարևոր հարց է, թե դա ինչպես է արվելու։ Մեզ համար գլխավորն այն է, որ պետությունը շփվի հանրության հետ և մեր առաջարկից դրական արդյունքներ ստանա, քանի որ սա բոլորովին այլ անվտանգության ուրվագիծ է, որը կստանա Ուկրաինան», – ասել է Պոդոլյակը։