Վլադիմիր Զելենսկի. Ռուսական «Տիտանիկը» փետրվարի 24-ին բախվել է այսբերգին, և այն չի փրկվի խորտակվելուց
Ռուսական «Տիտանիկը» փետրվարի 24-ին բախվել է այսբերգին, և այն չի փրկվի խորտակվելուց,- հայտարարել է Ուկրաինայի նախագահ Վլադիմիր Զելենսկին ավանդական տեսաուղերձում։ Նա խոսել է աշխարհում բնական գազի թանկացումների մասին և ասել, որ Եվրոպան չի տրվելու Մոսկվայի շանտաժին։
«Ռուսական շանտաժի պատճառով Եվրոպայում բնական գազի գինը գերազանցել է 1000 խմ-ի դիմաց 3300 դոլարը։ Ռուսաստանի այս իսկապես հակաեվրոպական քաղաքականությունը կործանարար բնույթ ունի։ Ռուսաստանն այլևս խաղացող չի լինի եվրոպական էներգետիկ շուկայում: Եթե Ռուսաստանում ինչ-որ մեկը կարծում է, որ այս ձմռանը ծնկի կբերի Եվրոպային կամ Ուկրաինային կամ առանձին պետություններին, ապա սխալվում է։ Սա անշահավետ հաշվարկ է։
Եվրոպան բավականաչափ ուժեղ է, որպեսզի անկախանա ռուսական էներգահամակարգից, ռուսական էներգակիրներից և չտրվի «Գազպրոմից» էներգետիկ ահաբեկիչների շանտաժին»,- ասել է Զելենսկին։