Վարորդական վկայականների փոխադարձ ճանաչման շուրջ բանակցություններ են ընթանում Վրաստանի և Ուկրաինայի միջև
12:41, 06.02.2018
Ուկրաինան և Վրաստանը վարորդական վկայականների փոխճանաչման մասին վարում են բանակցություններ: Այս մասին հայտարարել է Ուկրաինայի ներքին գործերի նախարար Արսեն Ավակովը՝ Ուկրաինայում Վրաստանի դեսպան Գելա Դումբաձեի հետ հանդիպմանը:
Ուկրաինայի ներքին գործերի նախարարության տեղեկությամբ, հանդիպմանը կողմերը նշել են, որ երկու երկրների իրավապահ մարմինների միջգերատեսչական արդյունավետ համագործակցությունն ընթանում է բարձր մակարդակով, հատկապես՝ ոստիկանական մակարդակով:
Ուկրաինայի ներքին գործերի նախարարը նշել է, որ այժմ, փոխգործակցության առաջնահերթ ուղղությունը վարորդական իրավունքի ճանաչման հետ մեկտեղ տրանսսահմանային հանցանքի դեմ արդյունավետ պայքարի համար փոխադարձ գործողությունների մեխանիզմների օպտիմիզացիան է:
