Թբիլիսիի քաղաքային դատարանը կալանքի տակ է թողել դերասան Անդրո Ճիճինաձեին, կատակերգու Օնիսե Ցխադաձեին և ևս ինը անձանց, որոնք ձերբակալվել են բողոքի ցույցերի ժամանակ խմբակային բռնություններին մասնակցելու մեղադրանքով։

Այսօրվա նիստում կալանավորների նկատմամբ որպես խափանման միջոց կիրառված կալանավորումը վերանայվել է և մնացել է ուժի մեջ։

Դատաքննության ընթացքում պաշտպանական կողմը պատիժը փոխելու միջնորդություններ է ներկայացրել։ Փաստաբանները դատավորին առաջարկել են տարբեր չափերի գրավ, ինչպես նաև երաշխավորություն։ Ձերբակալվածներից ոմանք իրենց մեղավոր չեն ճանաչում, իսկ մյուսներն օգտվում են լռելու իրենց իրավունքից։

Բացի այդ, կալանավորները՝ Անդրո Ճիճինաձեն, Օնիսե Ցխադաձեն և Ռեզո Կիկնաձեն, օգտվել են դատավարության ժամանակ ելույթ ունենալու իրենց իրավունքից։

Ձերբակալվածներին մեղադրանք է առաջադրվել Վրաստանի Քրեական օրենսգրքի 225-րդ հոդվածի 2-րդ մասով, որը ենթադրում է խմբակային բռնության մասնակցություն։ Նշված հանցագործությունը պատժվում է 4-ից 6 տարի ազատազրկմամբ։

Թբիլիսիի քաղաքային դատարանում առավոտից դատական ​​նիստը շարունակվում է։