Սպիտակ տանը ընթանում է Ջո Բայդենի և Դոնալդ Թրամփի հանդիպումը
Սպիտակ տանը ընթանում է ԱՄՆ նախագահ Ջո Բայդենի և նորընտիր նախագահ Դոնալդ Թրամփի հանդիպումը։ Նրանք պետք է մտածեն լիազորությունների փոխանցման մասին։
Բայդենը շնորհավորել է ընտրված նախագահին հաղթանակի կապակցությամբ և ասել, որ ակնկալում է իշխանության սահուն անցում հունվարին։
«Քաղաքականությունը կոշտ է, շատ դեպքերում դա այնքան էլ լավ աշխարհ չէ, բայց այսօր լավ աշխարհ է, ես դա շատ եմ գնահատում»,- ասել է Թրամփը։
Սա Դոնալդ Թրամփի և Ջո Բայդենի առաջին դեմ առ դեմ հանդիպումն է հունիսին կայացած նախագահական հեռուստաբանավեճից հետո։
Նոյեմբերի 5-ին ԱՄՆ նախագահական ընտրություններում հաղթել է Հանրապետական կուսակցության թեկնածու, նախկին նախագահ Դոնալդ Թրամփը։ Դոնալդ Թրամփի երդմնակալության արարողությունը տեղի կունենա հունվարի 20-ին։