Վրաստանի խորհրդարանի նախագահ Շալվա Պապուաշվիլին հանդիպել է Եվրոպայի խորհրդի գլխավոր քարտուղար Ալեն Բերսեի հետ։

Վրաստանի խորհրդարանի մամուլի ծառայության փոխանցմամբ՝ Շալվա Պապուաշվիլին Ալեն Բերսեին տեղեկացրել է 2024 թվականի խորհրդարանական ընտրությունների ընթացքի և արդյունքների մասին։

«Խորհրդարանի նախագահը Եվրախորհրդի գլխավոր քարտուղարի հետ խոսել է նաեւ երկրում ընթացող բողոքի ցույցերի մասին եւ տեղեկություններ է հաղորդել բռնի ցույցերի ժամանակագրության մասին։

Շալվա Պապուաշվիլին ընդգծել է միջազգային հանրության կողմից ընթացիկ իրադարձությունների համարժեք գնահատման կարևորությունը։

Կողմերը խոսել են նաև խորհրդարանական գործունեության մեջ ընդդիմության ներգրավվածության կարևորության մասին՝ որպես ժողովրդավարական գործընթացի անբաժանելի մաս։

Կողմերը պատրաստակամություն են հայտնել բաց երկխոսության հիման վրա հետագա համագործակցության մասին»,- ասվում է տեղեկատվության մեջ։

Հանդիպմանը մասնակցել են ԵԽ-ում Վրաստանի մշտական ​​ներկայացուցիչ Թամար Տալիաշվիլին, խորհրդարանի փոխնախագահ Թեա Ծուլուկիանին, ԵԽ Խորհրդարանական վեհաժողովում Վրաստանի պատվիրակության ղեկավար Գիվի Միքանաձեն և վերոնշյալ պատվիրակության անդամ Էկա Սեփաշվիլին։