Այսօր իմ կաբինետն արդեն ուղարկել է ապաօլիգարխացման նախագծի անգլերեն տարբերակը Վենետիկի հանձնաժողով՝ խնդրելով մեզ տրամադրել համատեղ եզրակացություն այս օրենքի նախագծի վերաբերյալ,- ասել է Վրաստանի խորհրդարանի նախագահ Շալվա Պապուաշվիլին։

Պապուաշվիլին հույս է հայտնում, որ Վենետիկի հանձնաժողովի եզրակացությունը կպատրաստվի կարճ ժամանակում։

Մենք ասացինք, որ հաշվի կառնենք Վենետիկի հանձնաժողովի եզրակացությունը, որը պետք է տրվեր ուկրաինական օրենքի հետ կապված, սպասում էինք այս եզրակացությանը, թեև տեսնում ենք, որ այս եզրակացության ներկայացումը որոշակիորեն ուշանում է, ուստի խնդիր չկա, որ նրանք այժմ պետք է քննարկեն այս ուկրաինական օրենքը՝ ուղղակի դիմելով Վրաստանի խորհրդարանին։ Փոփոխություն չկա, մենք ուղարկում ենք նույն օրենքը, որն արդեն Վենետիկի հանձնաժողովում է։ Ուկրաինայի դեպքում մենք տեսնում ենք, որ Վենետիկի հանձնաժողովի համար մեկ տարուց ավելի է պահանջվել, և դեռևս ոչ մի եզրակացություն չկա, հիմա նույն տեքստի հետ կապված՝ Վրաստանի մասով, հուսանք, որ ավելի շուտ պատասխան կլինի։ Մենք տեսանք, որ Եվրահանձնաժողովի նախագահը դրական գնահատեց այս օրենքի նախագիծը, ընդհակառակը, կոչ արեց Ուկրաինային կյանքի կոչել այս օրենքը, ուստի Եվրամիության մոտեցումն ընդհանուր առմամբ դրական է գնահատվում։ Տեսնենք Վենետիկի հանձնաժողովի գնահատականը»,- ասել է Պապուաշվիլին։