Վրաստանի խորհրդարանի նախագահ Շալվա Պապուաշվիլին շնորհավորում է քաղաքացիների Նոր տարին։

Ինչպես նշվում է խորհրդարանի նախագահի շնորհավորական ուղերձում, անցնող 2024 թվականը բազմաթիվ հաղթանակների տարի էր, սակայն, ըստ նրա, 2025 թվականը շրջադարձային կլինի Վրաստանի վերջնական հաղթանակի համար։

«Սիրելի՛ հայրենակիցներ, Վրաստանում և արտերկրում ապրող համաքաղաքացիներ, շնորհավորում եմ բոլորիդ 2025 թվականը: Շնորհավորում եմ ձեզ հույսով և հաղթանակով լցված նոր տարվա գալուստի կապակցությամբ։ Նոր տարում ցանկանում եմ երկու բան մաղթել ձեզանից յուրաքանչյուրին և համայն Վրաստանին՝ խաղաղություն և միասնություն։ Մեր հայրենիքի պատմական ուղին երբեք հեշտ չի եղել, բայց անցած մի քանի տարիների ընթացքում Վրաստանն ու աշխարհն անցել են ամենադժվար ժամանակաշրջանը՝ գլոբալ համաճարակ, ավերիչ պատերազմներ մեր շուրջը, վտանգավոր աշխարհաքաղաքական հակամարտություն։

Անցած տարիները հատկապես ցույց են տվել մեզ խաղաղության, տոկունության, իմաստության, զգուշության և խոհեմության գինը։ Մենք գիտակցեցինք և ընկալեցինք, թե ինչ է նշանակում ունենալ պատասխանատվություն, հոգ տանել Աստծո տված և մեր նախնիների թողած գանձի, մեր երկրի, նրա պատմության, անցյալի, ներկայի և ապագայի մասին։ Ուստի մեր կողմից միակ ճիշտ և խելամիտ ընտրությունը խաղաղության քաղաքականությունն է։ Միևնույն ժամանակ, մենք բոլորս գիտենք, որ խաղաղության հետ մեկտեղ հաջողություն Վրաստանին բերում է միակ սկզբունքը, որը մեզ թողել են մեր նախնիները։ Ուժը միասնության մեջ է. այս պարզ բանաձեւը պարունակում է համայն Վրաստանի պատմությունը, մեր ներկան ու ապագան։ Երբ մենք միասին ենք, մենք ամուր ենք կանգնած, իսկ երբ ամուր ենք՝ միշտ հաղթում ենք։ Հենց միասնությամբ, համաձայնությամբ ու տոկունությամբ էր պայմանավորված Վրաստանի փրկությունը, առաջընթացը և զարգացումը։ Անցած 2024 թվականը բազմաթիվ հաղթանակների տարի էր, բայց մեր մեծ ու գլխավոր հաջողությունը դեռ առջեւում է։ Հավատում եմ, որ 2025 թվականը բեկումնային կլինի մեր հայրենիքի վերջնական հաղթանակի համար։ Հաղթեցինք երկրի ինքնիշխանությունը հզորացնելու համար, հաղթեցինք ազգային ինքնությունն ամրապնդելու համար, հաղթեցինք խաղաղության համար։ Իսկ նոր տարվանից մենք պետք է հաղթենք մեր բարեկեցության ու մեր երկրի ամբողջացման համար։

Շնորհավոր Ամանոր: Թող Աստված պահապան լինի Վրաստանին և օրհնի մեր ընտանիքները»,- իր շնորհավորական ուղերձում ասել է Վրաստանի խորհրդարանի նախագահը։