Ամերիկայի Միացյալ Նահանգների սենատի արտաքին հարաբերությունների կոմիտեի նախագահ Ջեյմս Ռիշը և կոմիտեի անդամ Ջին Շահինը նամակ են հղել Վրաստանի վարչապետ Գիորգի Գախարիային:

Հունվարի 29-ով թվագրված նամակում սենատորները վրդովմունք են հայտնում Վրաստանում վերջին ժամանակներում զարգացած իրադարձությունների պատճառով, որը իրենց կարծիքով, խոսում է այն մասին, որ Վրաստանը հեռանում է ժողովրդավարական ինստիտուտների շինարարության պարտականությունից: Սենատորները վրդովմունք են հայտնում խորհրդարանի կողմից ընտրական բարեփոխման պարտականությունը չկատարելու և կառավարության կողմից խաղաղ ցույցը բռնի ուժով տապալելու առնչությամբ:

«Կառավարության կողմից այս հանրահավաքները բռնի ուժով ցրելը վրացիների ժողովրդավարական իրավունքների և քաղաքացիների պաշտպանության կառավարության պարտականությունների խախտումն է:

Մենք առանձնապես վրդովված ենք, որ Վրաստանի դատական համակարգի անկախությունը քայքայում է գերագույն դատարանի 14 նոր դատավորի անժամկետ նշանակումը՝ մինչև նրանց որակավորումը գնահատելը, ինչպես դա նշված է ԵԱՀԿ-ի 2020 թվականի հունվարի զեկույցում: Հուսով ենք, սա այն բանի մասին չէ վկայում, որ Վրաստանի կառավարությունը ցանկանում է չարաշահել դատարանները և ոստիկանությունը՝ քաղաքական նպատակների համար:

Մենք տարիներ շարունակ եղել ենք Վրաստանի հետ ԱՄՆ-ի գործընկերության հզոր աջակիցը և կրկին հավատում ենք, որ դուք ունեք ժողովրդավարական հզոր հիմք: Սակայն այս իրադարձությունները խորհելու տեղիք են տալիս և հարցեր առաջացնում ընդհանուր արժեքների նկատմամբ Վրաստանի հավարմության առնչությամբ: Բացի այդ, մենք մտավախ ենք, որ բարեփոխումներում առաջընթացի պակասը և Վրաստանում լարվածության ավելացումը ճանապարհ կհարթի երկրում և ողջ տարածաշրջանում Ռուսաստանի միջամտության հզորացմանը: Որքան երկար կշարունակվեն այս իրադարձությունները, այնքան ավելի մեծ վտանգի առջև կհայտնվի Վրաստանի անվտանգությունը և հնարավոր է, մենք ստիպված լինենք, վերաարժևորել մեր գործընկերությունը:

Անկախ, ժողովրդավար Վրաստանն ունի բազմաթիվ միջազգային կողմնակիցներ և մենք ձգտում ենք օգնել ձեր երկրին: Սակայն մենք մոտիվացված ենք, աջակցել Վրաստանի տնտեսական և քաղաքական զարգացմանը, մինչև հույս ունենք, որ Վրաստանը կլինի կայուն, վստահելի և ժողովրդավարական գործընկեր: Անկեղծորեն հույս ենք հայտնում, որ դուք կաշխատեք արագ, որպեսզի փոխեք այս հետընթացը և կատարեք վրաց ժողովրդին տված խոստումը»,- ասվում է երկու սենատորների նամակում, որը հրապարակվել է սենատի արտաքին հարաբերությունների կոմիտեի կայքէջում: