Ռումինիան և Բուլղարիան դարձան Շենգենյան գոտու լիիրավ անդամներ
Ռումինիան և Բուլղարիան դարձան Շենգենյան գոտու լիիրավ անդամներ։
Երկու երկրները վերացրել են ցամաքային սահմանների հսկողությունը և միացել դաշինքին, որի քաղաքացիները կարող են ճանապարհորդել առանց անձնագրային հսկողության։
«Reuters»-ի փոխանցմամբ՝ Շենգենյան գոտուն անդամակցությունը հրավառությամբ են նշել Բուլղարիայի սահմանային կետում, որտեղ Բուլղարիայի և Ռումինիայի ներքին գործերի նախարարները խորհրդանշական կերպով բացել են Դանուբ գետի Բարեկամության կամրջի պատնեշը։
Անցումը միջազգային առևտրի տարանցման կարևոր կետ է։
«Սա պատմական պահ է։ Կարելի է առանց սահմանների ճանապարհորդել հարավից հյուսիս, Հունաստանից՝ Ֆինլանդիա, իսկ արևմուտքից՝ Պորտուգալիա»,- ասել է Բուլղարիայի վարչապետ Դիմիտար Գլավչևը։