«Պոլիտիկո» – Ամանորի գիշերը Բրյուսելում տեղի ունեցած անկարգությունների ժամանակ անհայտ անձինք այրել են առնվազն 60 ավտոմեքենա և «մոլոտովի կոկտեյլներ» նետել հրշեջների վրա
Ամանորի գիշերը Բրյուսելում տեղի ունեցած անկարգությունների ժամանակ անհայտ անձինք այրել են տասնյակ մեքենաներ, իսկ հրշեջների վրա «մոլոտովի կոկտեյլներ» են նետվել։ Տեղեկությունը տարածում է «Politico»-ն։
Պաշտոնական տեղեկատվության համաձայն՝ Բելգիայի մայրաքաղաքում ոստիկանությունը ձերբակալել է 159 մարդու։ Բացի այդ, նույն ժամանակահատվածում ամբողջ քաղաքում գրանցվել է ավելի քան 1700 միջադեպ։
Հրշեջ ծառայության տվյալներով՝ այրվել է առնվազն 60 ավտոմեքենա։ Հրշեջները, ովքեր փորձել են հանգցնել կրակը, հարձակվողները հարձակվել են քարերով և «մոլոտովի կոկտեյլներով», ինչի պատճառով որոշ դեպքերում ստիպված են եղել նահանջել։
«Դա իսկապես խենթություն էր։ Մենք այնտեղ էինք օգնելու, և «մեզ վրա հարձակվեցին մոլոտովի կոկտեյլներով»,- Politico-ին ասել է Բրյուսելի հրշեջ ծառայության ներկայացուցիչ Վալտեր Դերիյուն։
Միաժամանակ անկարգություններ են եղել Անտվերպեն քաղաքում։ Տեղի ոստիկանությունը ձերբակալել է 49 մարդու։ Լրատվամիջոցների տեղեկություններով՝ սա առաջին դեպքը չէ, երբ Բելգիայում Ամանորի գիշերը նման անկարգություններ են տեղի ունենում։ 2023 թվականին մայրաքաղաքում ձերբակալվել է ավելի քան 200 մարդ, իսկ 2022 թվականին՝ 160։
«Դա, ցավոք, սովորական երեւույթ է դարձել»,- ասել է հրշեջ ծառայության ներկայացուցիչ Վալտեր Դերիեն։
Ինչպես գրում է լրատվամիջոցը, այս տարի ոստիկանությունը մի շարք միջոցառումներ է ձեռնարկել հանցագործությունը կանխելու համար։ Անդերլեխտում պարետային ժամ է եղել մինչև 16 տարեկանների համար, մոբիլիզացվել են ոստիկանական խմբեր, սակայն միջադեպեր, այնուամենայնիվ, եղել են։