Վրաստանի պետական անվտանգության ծառայության պետ Գեկա Գելաձեն հանդիպում է ունեցել Վրաստանում Կորեայի Հանրապետության արտակարգ և լիազոր դեսպան Հյոն Դու Կիմի հետ։

Պետական անվտանգության ծառայության տեղեկատվության համաձայն՝ կողմերն ուշադրություն են հրավիրել երկրների միջև առկա բարեկամական հարաբերությունների և արդյունավետ համագործակցության վրա. խոսքը վերաբերել է նաև Վրաստանի և Կորեայի Հանրապետության միջև առկա գործընկերությանը ինչպես երկկողմ, այնպես էլ բազմակողմ ձևաչափերում։

«Հանդիպմանը պետական անվտանգության ծառայության պետն ընդգծել է երկու երկրների համապատասխան գերատեսչությունների միջև համագործակցության խորացման կարևորությունը և այս ուղղությամբ նոր հնարավորությունների զարգացումը», – նշված է պետական անվտանգության ծառայության տարածած տեղեկատվության մեջ։