Օլաֆ Շոլց - Հուսով եմ, որ ՆԱՏՕ-ի անդամները շուտով Ուկրաինա կմատակարարեն Patriot հակաօդային պաշտպանության համակարգերը
Գերմանիայի կանցլեր Օլաֆ Շոլցի խոսքով՝ ինքը հույս ունի, որ ՆԱՏՕ-ի անդամները շուտով Ուկրաինային կմատակարարեն Patriot հակաօդային պաշտպանության համակարգեր։
«Ինչպես տեղեկացանք, անհրաժեշտ է եւս յոթ Patriot հակաօդային պաշտպանության համակարգ, որոնցից մեկը մերն է։ Մենք հույս ունենք, որ ՆԱՏՕ-ի ողջ տարածքում կգտնվի եւս վեցը»,- ասել է Գերմանիայի կանցլերը։
Նշված հայտարարությունը Գերմանիայի կանցլերը արել է Բրյուսելում Եվրոպական խորհրդի նիստից հետո հրավիրված մամուլի ասուլիսում։
Օլաֆ Շոլցի խոսքով՝ հակաօդային պաշտպանության համակարգերի մատակարարումն անհրաժեշտ է Ուկրաինային՝ քաղաքները և կարևոր ենթակառուցվածքները ռուսական հրթիռային հարձակումներից պաշտպանելու համար։
«Մենք գիտենք, որ Ուկրաինան այժմ մեր աջակցության կարիքն ունի։ Նրանց հստակ ազդանշան է պետք, որ դա կշարունակվի երկար և մշտական ձևով։ Սա է նաև մեր ջանքերի նպատակը՝ ապահովելու զենքի, հրետանու և զինամթերքի մատակարարումը բավարար քանակությամբ»,- ասել է Օլաֆ Շոլցը։
Այնուամենայնիվ, ըստ Շոլցի, Գերմանիան այն երկիրն է, որը «ամենանշանակալի ներդրումն է ունեցել» Ուկրաինայի հակաօդային պաշտպանության գործում։ Գերմանիայի կանցլերը ՆԱՏՕ-ի մյուս երկրներին կոչ է արել կրկնել Բեռլինի օրինակը։