Նորվեգիայի արտաքին գործերի նախարար. Վրաստանին համերաշխություն է պետք, որպեսզի կարողանա պաշտպանել իր սահմանները, կարծում եմ՝ դա կլինի ընդհանուր ուղերձ նախարարական հանդիպման ժամանակ
Նորվեգիայի արտաքին գործերի նախարար Անիկեն Հյուիտֆելդի խոսքով, Բուխարեստում այսօր կայանալիք նախարարական հանդիպման շրջանակներում քննարկման թեմաներից մեկը կլինի այն, թե ինչպես պաշտպանել Ռուսաստանի հարևան երկրները, այդ թվում՝ Վրաստանը։
Ինչպես նշել է նախարարը, Վրաստանին անհրաժեշտ է գործընկերների համերաշխությունը։
«Այսօր մենք խոսելու ենք Ռուսաստանին հարող խոցելի երկրների մասին, ինչպիսիք են Վրաստանը, Մոդլովան և նաև Բոսնիան։ Վերջերս Վրաստանում էի։ Նրանք մեր համերաշխության կարիքն ունեն։ Անհրաժեշտություն կա, որ մենք իսկապես հետևողական լինենք, որպեսզի նրանք կարողանան պահպանել սահմանները: Կարծում եմ, որ դա Վրաստանի համար ընդհանուր ուղերձ կլինի նախարարների հանդիպման ժամանակ»,- ասել է Անիկեն Հյուիտֆելդը։