Հայաստանի վարչապետ Նիկոլ Փաշինյանի խոսքով, տրանսպորտային կապերի ապաշրջափակումը կփոխի զարգացման ողջ տրամաբանությունը տարածաշրջանում: Այս մասին նա նշել է ռուսական մամուլի հետ հարցազրույցում:

Փաշինյանի մեկնաբանությունը վերաբերում էր նոյեմբերի 9-ին Ռուսաստանի, Ադրբեջանի եւ Հայաստանի ղեկավարների համատեղ համաձայնության կետերից մեկին, որը կապված էր տարածաշրջանում տրանսպորտային և տնտեսական կապերի ապաշրջափակմանը: Կետերից մեկը նկատի ունի Նախիջևանի Ինքնավար Հանրապետության կապը Ադրբեջանի հետ: Ինչպես հայտնի է, միջանցքի անվտանգությունը պետք է պաշտպանի Ռուսաստանի Դաշնային անվտանգության ծառայությունը:

«Սա շատ կարևոր պահ է: Եվ ես կարծում եմ, որ մոտ ապագայում մենք պետք է կենտրոնանանք սրա վրա: Քանի որ երբ խոսում ենք ոչ միայն Հայաստանում, այլ ամբողջ տարածաշրջանում տնտեսական կայունացման մասին, մենք պետք է կոնկրետ քայլեր ձեռնարկենք: Եվ տրանսպորտային հաղորդակցության ապաշրջափակման վերաբերյալ գոյություն ունեցող քաղաքական համաձայնությունը, իհարկե, կարող է ելակետ դառնալ ոչ միայն տարածաշրջանում, այլև տնտեսական զարգացման ամբողջ տրամաբանությունը փոխելու համար մեր տարածաշրջանում»,- ասել է Փաշինյանը:

Փաշինյանի խոսքով, հույս ունի, որ «կհաջողվի ապաշրջափակել տնտեսական ենթակառուցվածքը և երկաթուղիները»: