Ես հավատում եմ, որ ողջ ընդդիմությունը մինչև վերջին րոպեն միակարծիք կլինի։ Չի կարելի լեգիտիմություն տալ խորհրդարանին, որը չի ճանաչում վրաց ժողովուրդը, լրագրողներին ասաց «Նոր» կուսակցության առաջնորդներից Նիկա Մելիան։

Նրա խոսքով, վրաց ժողովուրդը որոշել է, որ չի ցանկանում, որ այս խորհրդարանը գործի, քանի որ «դա ժողովրդի կամքն արտահայտող խորհրդարան չէ»։

«Կարևոր է, որ այս փուլում էական հաջողություն է գրանցվել։ Բոլորի պատիվն է, որ միջազգային հանրությունը և առաջատար առաջադեմ ժողովրդավարական պետությունները չճանաչեցին կեղծված ընտրությունները։ Միջազգային մակարդակով չճանաչման այս քաղաքականությունը լինելու է հաստատուն և շարունակական։ Միաժամանակ, իհարկե, երկրի ներսում վրացական հասարակությունը, մենք՝ քաղաքական գործիչներս, նրանց հետ միասին կլինենք այնքան ակտիվ, որքան պահանջում է ամենադաժան իրականությունը։ Վրաստանի խորհրդարանը Վրաստանի խորհրդարանը չէ, վրաց ժողովուրդը որոշել է, որ չի ցանկանում, որ այս խորհրդարանը գործի, և այս խորհրդարանը չի կարող իր գործունեությունը սկսել որպես Վրաստանի խորհրդարան։ Սա ժողովրդի կամքն արտահայտող խորհրդարան չէ. Այն արտահայտում է Իվանիշվիլիի կամքը, պարոն»,- ասել է Նիկա Մելիան։